ANDAINA FIN DE CURS0

Despedimos o curso entre natureza, amizade e bos momentos!

No último día lectivo deste curso, o alumnado do IES Marqués de Sargadelos participou nunha fermosa andaina polo entorno natural da nosa vila.

Ao longo da mañá percorremos o litoral de San Cibrao e achegámonos ata o Guioncho, gozando da paisaxe, do aire libre e da compañía dos nosos compañeiros e compañeiras.

Foi unha xornada de convivencia, confraternidade e amizade, perfecta para pechar un curso cheo de aprendizaxes, esforzos e experiencias compartidas.

Agora chega o momento de descansar, recargar enerxías e dar a benvida ás merecidas vacacións de verán.

Grazas a toda a comunidade educativa por facer posible un curso máis cheo de momentos para lembrar.

Feliz verán a todas e todos!

Videoclip STROMAE de TOUS LES MEMES

Durante estes últimos días de curso, as alumnas de 3º de Francés aprenderon a letra, os bailes e prepararon esta versión do mítico videoclip Tous les mêmes de Stromae, que vos deixamos aquí.

Detrás deste traballo hai moitas horas de ensaio, creatividade, esforzo e ilusión, e o resultado non podería ser máis especial.

Xiana quere agradecer especialmente a este grupo a súa paciencia, motivación e implicación ao longo destes meses. Tamén ao alumnado de diferentes cursos que colaborou na elaboración de parte do decorado e axudou a facer posible este proxecto.

Merci beaucop à toutes et à tous pour votre travail et votre enthousiasme!

Prenez bien soin de vous, bonnes vacances e bonne vie!

Premio III LIGA DE CONVIVENCIA

O xoves 18 de xuño, o grupo de 4º ESO gañador da III Liga de Convivencia desfrutou dunha fantástica xornada no Aquapark de Cerceda.

Foi un día cheo de diversión,  convivencia e momentos inesquecibles, como recompensa ao esforzo, compromiso e boa actitude demostrados ao longo de todo o curso.

Parabéns unha vez máis ao grupo gañador e grazas a todo o alumnado participante por seguir facendo do IES Marqués de Sargadelos un centro onde o respecto e a convivencia positiva son os protagonistas.

Aquí vos deixamos algunhas imaxes desta gran experiencia!

Deseño portada axenda escolar

Xa temos a persoa gañadora do concurso da portada da axenda escolar 2026/2027  do IES Marqués de Sargadelos!

O Departamento de Educación Plástica e Visual escolleu o deseño que acompañará ao noso centro durante o vindeiro curso... e a artista premiada foi

IRIA BALTAR CANOURA, de 1º de ESO A

Parabéns polo seu talento, creatividade e imaxinación.

Estamos desexando ver a túa creación nas mans de todo o alumnado o próximo curso!

Ademáis, o xurado quixo recoñecer cun accésit os magníficos traballos de Antía e Paula, pola súa calidade e orixinalidade.

Queremos agradecer tamén a participación de todo o alumnado que presentou os seus traballos. Animámosvos a seguir participando en novas edicións.

LER O MUNDO

Ao longo deste curso, o alumnado de 4º da ESO, na materia de Lingua Castelá e Literatura, desenvolveu o proxecto Ler o mundo, unha investigación arredor de catro grandes temas da literatura universal: o odio, a vinganza, a guerra e a diversidade LGTB+.

A través da lectura de fragmentos literarios e do diálogo con obras de arte de distintas épocas, o alumnado foi construíndo murais colectivos nos que a literatura e arte se atopan para contar unha mesma historia: a da experiencia humana.

Cada imaxe, cada cita e cada reflexión forman parte dun proceso de investigación, interpretación e creación que invita a mirar o mundo con espírito crítico, curiosidade e sensibilidade.

Porque a literatura non é só aquilo que lemos, senón aquilo que nos axuda a comprender quen somos, quen fomos e o que queremos ser.

Parabéns ao alumnado polo seu traballo e pola calidade dos murais realizados!

Aberto por vacacións

Chega o verán e tamén máis tempo para descubrir novas historias, aprender e deixar voar a túa mente.

O Equipo de Biblioteca anima a todo o alumnado a aproveitar as vacacións de verán para gozar da lectura.

Para iso, poderedes levar libros en préstamo da biblioteca do nos instituto e desfrutar deles durante os meses de descanso. Hai propostas para todos os gustos: novelas, cómics, aventuras, misterio, ciencia ficción, divulgación e moito máis.

Ler  no verán é unha excelente maneira de relaxarse, viaxar sen saír do sitio e vivir mil aventuras a través das páxinas dun libro. Ademais é unha oportunidade perfecta para desconectar un pouco das pantallas e conectar coa imaxinación.

Achégate á biblioteca e escolle a túa próxima lectura antes de comezar as vacacións!

VÍDEO DE PRESENTACIÓN DO NOSO IES

O alumnado de 4º da ESO da materia de Dixitalización elaborou un vídeo de presentación do noso instituto, poñendo en práctica os coñecementos adquiridos en edición audivisual, comunicación dixital e creación de contidos multimedia.

A través deste proxecto, tiveron a oportunidade de amosar os espazos, actividades e valores que forman parte da vida do centro, desenvolvendo ao mesmo tempo a súa creatividade, capacidade de traballo en equipo e competencia dixital.

Parabéns polo excelente traballo realizado e polo compromiso demostrado durante todo o proceso!