VIDEOXOGOS EN GALEGO

No taboleiro da EDLG presentamos unha pequena campaña informativa sobre videoxogos dispoñibles en galego. Unha mostra para descubrir que tamén se pode xogar, explorar mundos e vivir aventuras na nosa lingua.

Nesta exposicón poderás coñecer algúns títulos, proxectos e iniciativas que apostan polo galego no ámbito dos videoxogos.

Descubre novas formas de xogar en galego!

8M

O pasado venres 6 de marzo, no pasillo de acceso a cafetería do IES Maqués de Sargadelos, montamos a instalación "O teito de cristal".

Ao longo do percorrido, o alumnado puido ler e reflexionar sobre as diferentes barreiras, comentarios e dificultades que moitas mulleres atopan na súa vida persoal, académica e profesional.

Frases que se escoitan.

Situacións que se repiten.

Desigualdades que ás veces non se ven... pero que existen.

Un espazo para parar, pensar e tomar conciencia.

Porque facer visible o invisible é o primeiro paso para cambialo.

Esta foi unha das actividades organizadas para conmemorar o 8M, Día Internacional da Muller.

Actividade de ocio en XJUMP. Premios de "Tes Talento" e Entroido

Do Entroido... aos saltos!

Este xoves 5 de marzo, o alumnado de 4º da ESO e 2º de Bacharelato do noso centro, premiados nos concursos Tes Talento e Entroido gozou do seu merecido premio cunha xornada chea de adrenalina no centro de lecer Xjump de Avilés.

Risas, acrobacias e moita enerxía para celebrar a creatividade, o traballo en equipo e o espírito festeiro que demostraron.

Así dá gusto celebrar o Entroido!

Visita exposición "AZORES: OASIS ATLÁNTICO"

 O noso alumnado de 1º ESO visitou o luns 2 de marzo a exposición "Azores: Oasis Atlántico", organizada polo Concello de Cervo, unha impresionante mostra do biólogo e fotógrafo local Anxo Cao.

A visita tivo lugar na Sala Xosé Vizoso, situada en Sargadelos, onde puideron mergullarse a través de impactantes imaxes subacuáticas na extraordinaria biodiversidade das Azores: cachalotes, peixe lúa, tiburóns, tartarugas e moitas outras especies do Atlántico.

Unha experiencia educativa que combina arte e ciencia, fomentando o respecto polo medio mariño e a conciencia ambiental.

O QUE EU QUERO PARA AS MULLERES DA MIÑA VIDA

 Na semana previa ao 8M, Día Internacional da Muller, no noso centro dedicaremos a hora de titoría a unha proposta de reflexión moi significativa.

Todo o alumnado escribirá que quere e que desexa para as mulleres que forman parte da súa vida: igualdade, respecto, oportunidades, liberdades, recoñecemento,...

Un pequeno xesto para expresar compromisos. Un espazo para escoitar, pensar e compartir.

Inicio do Torneo de Xadrez

 O xoves 26 de febreiro comezou na biblioteca o noso Torneo de Xadrez no IES Marqués de Sargadelos, no segundo recreo.

Proxecto Redeiras.

O xoves 26 de febreiro, o alumnado de Relixión de 4º da ESO do noso centro participou nunha actividade en Mondoñedo, xunto co IES Monte Castelo (Burela) e o IES Xograr Afonso Gómez (Sarria).

Realizamos un pequeno tramo deo Camiño de Santiago, compartindo pasos, reflexións e momentos de convivencia. Vistamos a catedral de Mondoñedo, a Casa Museo Álvaro Cunqueiro e o Museo da Imprenta, descubrindo a riqueza histórica, artística e cultural da nosa terra.

Fo unha xornada de encontro, aprendizaxe e unión, tecendo redes dentro do noso proxecto REDEIRAS