HOXE FAENAMOS. Achegar ao sector do mar

 A Consellería do Mar está a organizar diversas actividades para achegar o sector do mar ao estudantado galego.

O luns 20 de setembro fomos convidados a Celeiro (Viveiro) para participar na actividade "Hoxe faenamos" co alumnado de 1º e 2º da ESO. Puidemos visitar un barco pesqueiro que faena no Gran Sol e a lonxa do porto de Celeiro, explicándonos cada un dos pasos do proceso de pesca, conservación, tratamento, descarga e poxa do peixe. 

Rematamos a xornada cunha degustación de produtos do mar.

Food truck da Consellería do Mar

Galicia sabe a mar é unha campaña da Xunta de Galicia que mace no verán de 2021 para animar a cidadanía a consumir produtos do mar, impulsar a súa venda e por en valor o labor dos profesionais da pesca e o marisqueo.

O alumnado da ESO tivo a oportunidade de degustar 3 receitas que presentaron na foodtruck da Consellería do Mar que se achegou ao centro o mes pasado.