25 N. DÍA INTERNACIONAL CONTRA A VIOLENCIA DE XÉNERO.

 SE FAS CLIC NAS IMAXES VERÁS FOTOS E UN FERMOSO VÍDEO NO QUE PARTICIPAMOS TODOS. TODA A COMUNIDADE EDUCATIVA CON MÁSCARA LILA COMO XESTO.

25N. NIN UNHA MENOS.

Guión, dirección e realización: a profesora Lucía Villarino.

Protagonismo colectivo: a comunidade educativa do IES MARQUÉS DE SARGADELOS.

Unha chulada de vídeo con clara carga de contido acorde coa conmemoración que hoxe nos ocupa.

FIN DE CURSO.

Fai clic na imaxe.

VISITA DO PIRAGÜISTA KIKO VEGA.

 Hoxe recibimos a visita do piragüista internacional Kiko Vega.

4 veces campión do descenso do Sella. Falounos deste deporte como actividade competitiva pero tamén de lecer; seguro en tempos de pandemia.

Práctica deportiva que pretendemos fomentar entre o noso alumnado, cercana; con presenza no Concello de Cervo.

3º de ESO. Visita xeolóxica. Acompañados das súas profesoras visitaron a área xeolóxica do Perdouro; o miradoiro do Monte Castelo e o seu entorno: a mina de caolín. Obxectivos: recoñecer pregamentos xeolóxicos, analizar a modelaxe costeira e valorar a importancia da xeoloxía na sociedade.

 

XORNADA DE PORTAS ABERTAS. VISITA DO NOVO ALUMNADO DOS COLEXIOS DE CERVO E SAN CIBRAO.

 https://www.facebook.com/photo/?fbid=4323690607652845&set=pcb.4323697220985517

PLAN PROXECTA. OS VELLOS OFICIOS. A CESTERÍA. “Cestería contemporánea. Fusión co téxtil a través da combinación de materiais orgánicos con diferentes técnicas artesanais. Pezas con espírito, sensoriais, que dan xogo a todos os sentidos, que espertan a gana de tocar, ulir, morder, mesmo abrazar.” No IES MARQUÉS DE SARGADELOS, dentro do PLAN PROXECTA 2021, viñemos traballando e dando a coñecer entre o noso alumnado a artesanía e os vellos oficios que xa están desaparecendo. Empezamos co oficio de zoqueiro, con Alberto Geada; seguimos coa cerámica de Gundivós ( Ribeira Sacra ) da man de Elías González e rematamos hoxe coa cestería. Recibimos a visita de Idoia Cuesta; Premio Nacional de Artesanía 2015. Trátase dunha demostración do oficio tradicional dos cesteiros. Neste caso, de como se realizan as pezas de cestería e como se pode fusionar a tradición coa modernidade neste tipo de creacións. A especialista nesta materia, Idoia Cuesta, estivo connosco ao longo da mañá de hoxe para que coñezamos este oficio tradicional, o seu presente e as expectativas de futuro.

www.idoiacuesta.com

 

ENCONTRO NA BIBLIOTECA COA ESCRITORA ANTÍA YÁÑEZ. Esta mañá tivemos un encontro coa escritora de Burela Antía Yáñez. Actividade complementaria á lectura previa dos seus libros "O misterio de Portomarín", "O misterio do torque de Burela" e "Senlleiras". Algunhas imaxes do seu paso pola nosa biblioteca.Preme na imaxe e verás as fotos.

 

LETRAS GALEGAS 2021. XELA ARIAS.

https://bibliesmarques.blogspot.com/2021/05/letras-galegas-2021-xela-arias.html

https://bibliesmarques.blogspot.com/2021/05/letras-galegas-2021-xela-arias_13.html

https://bibliesmarques.blogspot.com/2021/05/letras-galegas-2021-xela-arias_37.html

https://bibliesmarques.blogspot.com/2021/05/letras-galegas-2021-xela-arias_48.html

https://bibliesmarques.blogspot.com/2021/05/letras-galegas-2021-xela-arias_53.html

PLAN PROXECTA. OS VELLOS OFICIOS.A ALFARERÍA DE GUNDIVÓS. RIBEIRA SACRA.

 

Hoxe estivo con nós o último alfareiro de Gundivós: Elías González Prieto. Enmarcado no Plan Proxecta “Os vellos oficios” que iniciamos en febreiro co oficio dos zoqueiros cando nos visitou Alberto Geada.

Quedámonos coa súa invitación a unha visita guiada que nos pode preparar se nos poñemos en contacto neste sitio.

www.rectoraldegundivos.es

Gundivós (Sober, Lugo), «terra de cacharreiros», en plena Ribeira Sacra.. Centro importante de industria alfareira, pasou por un importante declive nos anos 60 chegando case á desaparición. De momento, esta tradición mantense viva grazas ao traballo dos poucos alfareiros que aínda dominan este vello ofcio e intentan promocionar este tipo de alfareiría: Elías González Prieto, quen nos visitou hoxe é un claro exemplo.

As súas pezas son feitas con torno baixo movido pola man, con barro local e cocidas en forno de leña. As formas tradicionais son sobrias, reforzadas con vincos e con distinguida decoración incisa. O interior vai recuberto con resina de piñeiro; posteriormente quéntase a peza para fundila, o que fai que estas pezas collan a negra cor característica.

Trátase de pezas destinadas a gardar o viño, o vinagre, meleiras, queixeiras, etc.

SESIÓNS INFORMATIVAS AFECTIVO SEXUAIS. Hoxe rematamos o ciclo de sesións formativas afectivo sexuais que se viñeron desenvolvendo durante as últimas semanas. O noso agradecemento a Raquel Graña, encargada de impartilas e á ANPA do IES Marqués de Sargadelos pola organización das mesmas.

READING MAKES YOU FLY.

DÍA DO LIBRO 2021