O noso profesorado dos ciclos de Cultivos Acuícolas (FP dual) e de Química Industrial participa os días 17 e 18 de marzo na III Feira de Educación, Formación e Emprego de Lugo.
Un encontro no que centros educativos, universidades e institucións presentan a súa oferta formativa e orientan ao alumnado no seu futuro profesional e académico.
Unha oportunidade para dar a coñecer a nosa FP e seguir aprendendo, compartindo experiencias e conectando co mundo educativo e laboral
O alumnado de 4º ESO, 1º FP Básica e 1º curso do Ciclo Superior de Química Industrial participou hoxe nun obradoiro práctico de reanimación cardiopulmonar (RCP) e prevención de afogamentos.
Unha actividade moi necesaria para aprender a actuar en situación de emerxencia, adquirir coñecementos que poden salvar vidas e reforzar a importancia da prevención e da responsabilidade.
O alumnado de 1º e 2º curso do Ciclo Superior de Química industrial realizou este martes 25 de novembro unha visita formativa ás instalacións de Naturleite (Meira) e Industrial Recense (A Pontenova).
Naturleite é unha industria láctea adicada á elaboración e envasado de leite e outros productos derivados, apostando pola innovación, a calidade e sustentabilidade. Pola súa parte, Industrial Recense é unha empresa especializada na fabricación de elementos metálicos para os sectores da construcción e industria, integrando procesos de deseño, estampación e tratamento superficial.
A actividade permitiu ao alumnado achegarse á realidade productiva de dous sectores industriais distintos, reforzando os contidos abordados na aula e ofrecendo unha visión máis completa das múltiples aplicacións da química ao ámbito industrial. Ademais, a visita contribuíu a fortalecer a relación entre o centro educativo e o tecido empresarial da provincia, destacando o valor das colaboracións que favorecen unha formación máis práctica e próxima ao mundo laboral.
O mércores 22 de outubro, o alumnado de 1º e 2º curso do CSQI desprazáronse ata Mugardos para visitar Reganosa.
Reganosa xestiona infraestructuras que forman parte da rede básica de gas natural en España, garantindo a seguridade do subministro enerxético e permiten diversificar as fontes de aprovisionamento, actuando como respaldo das tecnoloxías renovables. En Mugardos (A Coruña) atópase a súa planta de regasificación.
A semana pasada tivo lugar a segunda viaxe dentro de "Aulas de Emprendemento" do IES Marqués de Sargadelos.
O alumnado e profesorado do Ciclo Superior en Química Industrial desprazouse ata as instalacións da refinería que Repsol ten na Coruña e na cal o noso alumnado ten a posibilidade de realizar a "Formación en Centros de Traballo" e desde este ano tamén a formación dual intensiva no 2º curso. Alí ademais de ensinarnos as súas instalacións faláronnos da historia da refinería, as súas adaptacións para ser máis sostibles e a gran importancia das chamadas habilidades brandas ou "soft skills" á hora de traballar, xa sexa por conta allea ou á hora de emprender un negocio propio.
Posteriormente, na rúa Alfredo Vicenti, ao carón da praia de Riazor, o xerente de “Pencil&Fork” @pencilandfork_galicia falounos da súa experiencia emprendedora coa que quedamos marabillados. David é licenciado en Química e despois de estar traballando en importantes posicións en universidade e empresa tanto en Cataluña como en Chicago e Londres, foi nesta última cidade onde decidiu emprender o seu propio negocio. Tras a pandemia el e a súa parella decidiron voltar a Galicia e adaptar o negocio londinense á cidade da Coruña. Ambos destacan a importancia de adaptarse ao cliente, algo que vai cambiando co tempo, así como ter confianza e paciencia, o uso de novas tecnoloxías e o saber idiomas para captar clientes de outros países, no seu caso moitos cruceiristas que están de paso na cidade.
O mércores 29 de marzo os alimnos e alumnas do Ciclo Superior de Química Industrial visitaron as instalacións de Reganosa en Mugardos. Empresa galega dedicada ao transporte e a regasificación do gas natural. Ademais, aproveitaron a súa estancia en Mugardos para coñecer Forestal del Atlántico, un complexo industrial cunha grande diversidade de liñas de produción como a fabricación de papel ou a xestión de residuos MARPOL dos tipos A, B e C.
As visitas ás emresas do sector serven como complemento da formación do noso alumnado, pero tamén de víncula real entre a formación educativa e a empresa.
O alumnado de Ciclo Superior de Química Industrial visitou a mañá de onte a empresa "Tejas Verea" situado no Concello de Mesía.
O alumnado do Ciclo Superior de Química Industrial visitou o pasado mércores 23 de novembro dúas empresas para coñecer os seus procesos produtivos.
A primeira delas, Ferroplast (Muras), é unha empresa que se adica á fabricación de tuberías e accesorios de PVC e polietileno. Explicáronlles os diferentes procesos de fabricación. Así mesmo ensináronlles como outra empresa do grupo (TEPSA) fabrica caixas, envases, palets e outros utensilios de plástico para a pesca e estruturas destinadas á acuicultura, como bateas.
En Arteixo, o alumnado visitou a empresa Fiberglass que fabrica produtos de poliéster reformado con fibra de vidro, plásticos reforzados e termoconformados.
