O alumnado de 4º ESO, 1º FP Básica e 1º curso do Ciclo Superior de Química Industrial participou hoxe nun obradoiro práctico de reanimación cardiopulmonar (RCP) e prevención de afogamentos.
Unha actividade moi necesaria para aprender a actuar en situación de emerxencia, adquirir coñecementos que poden salvar vidas e reforzar a importancia da prevención e da responsabilidade.
As primeiras foron dirixidas a 2º e 3º da ESO, e FP Básica, sobre a prevención dos delitos de odio, que son actos que implican discriminación, hostilidade ou violencia contra un grupo baseado en características como raza, relixión, orixe, orientación sexual ou discapacidade.
A continuación, co alumnado de 1º da ESO tratou as consecuencias que padecen as persoas que sofren o acoso escolar, xa sexa o acoso tradicional ou que se que produce facendo uso de medios tecnolóxicos. Puxo especial atención en que é responsabilidade de todos e todas denuncialo e combatelo.
Por último, impartirónse dúas charlas sobre prevención de delitos sexuais nos que puideran estar implicados nenos, nenas e adolescentes, como vítimas e como autores, para alumnado de 2º e 3º da ESO e 1º FP Básica.
O alumnado de 1º de FP Básica realizou, na materia de Comunicación e Sociedade, uns traballos sobre a figura da muller na Prehistoria, en Grecia e en Roma; nalgúns mitos da cultura grecolatina, como o de Dafne e Apolo e o de Ariadna e Teseo.
Aquí
podedes ver o extraordinario resultado.
Parabéns,
rapaces!
O alumnado de FP Básica de Informática de Oficina acudiu o pasado luns día 17 ó entorno do complexo histórico e recreativo da Pontenova.
Grazas á visita guiada da empresa https://tirolinadasminas.com, recibiron información do pasado industrial de fornos como o de Boulloso, así como das minas de ferro, das máis grandes de Galicia, e cuxo mineral extraído foi dos primeiros en operar no mercado internacional. Así puideron acceder ao primeiro nivel da mina Consuelo, dunha grandeza extraordinaria con ata oito niveis, cinco subterráneos e tres superiores, contabilizando ata tres quilómetros excavados nas covas.
A continuación gozaron da tirolina de 330 metros de longo que recrea o antigo funicular aéreo que transportaba o mineral de ferro ao forno de Boulloso.
Para rematar o alumnado realizou unha camiñada de preto de 7 quilómetros polo antigo trazado da liña ferroviaria que enlazaba as minas de ferro da Pontenova co cargadoiro de Ribadeo.
