Educación afectivo-sexual FAPACEL

A educación afectivo-sexual foi a protagonista das charlas desenvolvidas o luns 18 de maio para o alumnado de 1º e 2º da ESO, nunha actividade organizada pola ANPA do IES Marqués de Sargadelos, e ofertada por FAPACEL.

As sesións foron impartidas pola matrona Sonia, quen abordou cuestións relacionadas coa afectividade, o respecto, a igualdade, a diversidade e as relacións saudables, promovendo a reflexión e o diálogo entre o alumnado. 

Este tipo de iniciativas contribúen ao desenvolvemento persoal e emocional da mocidade e favorecen unha convivencia baseada no respecto e na educación en valores.

A educación afectivo-sexual constitúe unha ferramenta fundamental para fomentar relacións responsables, libres de violencia e construídas desde a empatía e o bo trato.

Charla SEXUALIDADE RESPONSABLE

 Na tarde do 23 de febreiro, o alumnado de 1º e 2º de Bacharelato asistiu a unha charla sobre sexualidade responsable, organizada polo Departamento de Orientación.

Da man de María González Cociña, do Centro M (Burela), traballáronse aspectos fundamentais como a prevención, o autocoidado, o respecto, o consentimento e a toma de decisións informadas, nun espazo de diálogo aberto e próximo.

Eduación afectivo-sexual para unha vida máis saudable e consciente.

Talleres Educación afectivo-sexual

 Hoxe estivo no noso centro María González Cociña, matrona e directora do Centro M (Burela), para impartir dous talleres de educación sexual adaptados á etapa da adolescencia. 

Comezou co alumnado de 1º e 2º ESO, con "Coñecendo o meu corpo". Este taller aborda os cambios físicos e emocionais que experimentan os rapaces e rapazas na pubertade, enfocado para promover a igualdade, a empatía e o respecto cara os compañeiros e compañeiros. Explicouse a función reproductiva de ambos e profundizamos no ciclo menstrual. Tamén se achegaron produtos de hixiene menstrual para familiarizarse con eles. 

Despois, impartiu o taller "Sexualidade responsable" co alumnado de 2º e 4º da ESO. Nel deu información clara e adaptada sobre relacións sexuais, ITS e anticoncepción, fomentando o autocoñecemento, a relación positiva coa propia sexualidade, a toma de decisións responsables e o respecto interpersoal.

Estes talleres foron moi enriquecedores e contribúen á educación integral do noso alumnado.

Charla Educación afectivo-sexual

O alumnado de 4º de ESO e 1º de BAC tivo un encontro coa sexóloga e psicóloga Sonia Martínez para falar de afectividade e sexualidade.

Durante o taller achegóuselle información  dunha sexualidade responsable, asertiva, satisfactoria e autónoma baseada en no coñecemento científico e respectando a diversidade.

Traballaron temas como o concepto de sexualidade, o respecto cara a diversidade, o coñecemento do corpo e o funcionamiento sexual e reproductor, a autoestima etc.

Charla Educación afectivo-sexual para familias

Esta semana realizouse unha charla de Educación afectivo-sexual para as familias do noso alumnado. Grazas á colaboración de Sonia Martínez, sexóloga e psicóloga, os pais e nais coñeceron de primeira man para que serve a educación afectivo-sexual, cando comezar a falar cos fillos/as destes temas, algunhas claves para comezar e recursos que poden axudar ás familias de forma divertida.