Amosando publicacións coa etiqueta Premios. Amosar todas as publicacións
Amosando publicacións coa etiqueta Premios. Amosar todas as publicacións

06/11/26

Programa Zinkers Repsol

Un premio que recoñece o noso compromiso coa sustentabilidade!

O IES Marqués de Sargadelos recibiu  o xoves 5 de novembro o premio na categoría de Educación Secundaria dos Premios Zinkers, impulsados pola Fundación Repsol, un recoñecemento ao traballo realizado arredor da sustentabilidade e a transición ecolóxica.

A xornada comezou cunha visita á nave de Coleo, no polígono industrial da Laracha, onde coñecemos de primeira man o proceso de selección e clasificación da roupa destinada á reciclaxe. Unha experiencia para descubrir como os residuos téxtiles poden converterse en novos recursos e contribuír á economía circular.

A continuación, celebrouse o acto de entrega dos premios, conducido polo mago Jorge Luengo, que combinou a presentación do evento con sorprendentes e extraordinarios números de maxia, facendo da xornada unha experiencia aínda máis especial.

Durante o acto tamén tivemos a oportunidade de reflexionar sobre a sustentabilidade e a importancia de avanzar cara a modelos de produción e consumo máis responsables.

Parabéns tamén aos outros centros premiados: o CEIP Rosalía de Castro e o CIFP Someso, ambos da Coruña. 

Un recoñecemento que nos anima a seguir aprendendo, innovando e traballando por un futuro máis sostible! 











18/06/26

Premio III LIGA DE CONVIVENCIA


O xoves 18 de xuño, o grupo de 4º ESO gañador da III Liga de Convivencia desfrutou dunha fantástica xornada no Aquapark de Cerceda.
Foi un día cheo de diversión,  convivencia e momentos inesquecibles, como recompensa ao esforzo, compromiso e boa actitude demostrados ao longo de todo o curso.
Parabéns unha vez máis ao grupo gañador e grazas a todo o alumnado participante por seguir facendo do IES Marqués de Sargadelos un centro onde o respecto e a convivencia positiva son os protagonistas.
Aquí vos deixamos algunhas imaxes desta gran experiencia!







Deseño portada axenda escolar

Xa temos a persoa gañadora do concurso da portada da axenda escolar 2026/2027  do IES Marqués de Sargadelos!

O Departamento de Educación Plástica e Visual escolleu o deseño que acompañará ao noso centro durante o vindeiro curso... e a artista premiada foi

IRIA BALTAR CANOURA, de 1º de ESO A

Parabéns polo seu talento, creatividade e imaxinación.

Estamos desexando ver a túa creación nas mans de todo o alumnado o próximo curso!

Ademáis, o xurado quixo recoñecer cun accésit os magníficos traballos de Antía e Paula, pola súa calidade e orixinalidade.

Queremos agradecer tamén a participación de todo o alumnado que presentou os seus traballos. Animámosvos a seguir participando en novas edicións.


26/03/26

Premios IV Torneo de Xadrez


Rematamos o torneo con grandes partidas e moito nivel!

Os gañadores na dúas categorías son:

  • Ainara Burgos Ocaña (2º ESO)
  • Víctor Manuel García Rodríguez (3º ESO)
Noraboa polo voso traballo, concentración e espírito competitivo!
Grazas tamén a todo o alumnado que participou e fixo desta actividade unha experiencia incrible.

Seguimos fomentando o gusto polo xadrez!

17/03/26

PREMIOS Concurso de logos do EDLG

Hoxe fixemos entrega dos premios do Concurso de Logos do EDLG do IES Marqués de Sargadelos, convocado polo Equipo de Dinamización Lingúística.

Parabéns a María Roza, Iria Baltar e Irea Río polo seu gran traballo!

As tres recibiron unha camiseta co logo gañador e un cheque para gastar en libraría.

Grazas a todo o alumnado participante pola súa creatividade e implicación!


12/03/26

Premios gañadores parciais III Liga de Convivencia

Esta semana o alumnado de 1º ESO B e 4º ESO gozou dunha merenda na cafetería do centro por seren os gañadores parciais da III Liga de Convivencia, acompañados polos seus titores.

Parabéns polo voso esforzo e polo traballo realizado!

Animamos tamén a todos os grupos a seguir mellorando naqueles aspectos nos que obtiveron unha puntuación máis baixa. Aínda queda moito por xogar e todo pode cambiar!

O obxectivo é converterse no grupo gañador final do mes de maio... Lembrade: aínda non está nada decidido!




05/03/26

Actividade de ocio en XJUMP. Premios de "Tes Talento" e Entroido

Do Entroido... aos saltos!

Este xoves 5 de marzo, o alumnado de 4º da ESO e 2º de Bacharelato do noso centro, premiados nos concursos Tes Talento e Entroido gozou do seu merecido premio cunha xornada chea de adrenalina no centro de lecer Xjump de Avilés.

Risas, acrobacias e moita enerxía para celebrar a creatividade, o traballo en equipo e o espírito festeiro que demostraron.

Así dá gusto celebrar o Entroido!

29/01/26

Premios TES TALENTO 2º edición



O grupo gañador da 2ª edición do concurso "Tes talento", celebrada antes do Nadal, puido gozar hoxe do seu merecido premio: unha saborosa merenda na cafetería do centro, acompañada polas profesoras que os dirixiron.
"Movemento Laranxa" de 1º da ESO compartiu un momento especial en boa compañía, entre risas, brindis e ilusión.
Os outros gañadores elixiron vales como premio.


 

15/12/25

Concurso POSTAIS DE NADAL




 Xa temos gañadoras e gañadores do Concurso de Postais de Nadal!

Desde o IES Marqués de Sargadelos queremos felicitar ao alumnado participante pola súa creatividade, orixinalidade e implicación. Este concurso, que contou cunha moi alta participación do alumnado, foi organizado polo equipo de biblioteca, o departamento de Artes Plásticas e o equipo de Dinamización da Lingua Galega, puxo en valor o talento artístico e o uso do galego entre o noso alumnado.

Parabéns ás persoas gañadoras e grazas a todas e todos os participantes por encher o Nadal de arte.

1º premio: Iria Baltar Canoura

2º premio: Irea Río Labaén

3º premio: Claudia López Rivas


18/06/25

Gañadores/as II Liga de convivencia

O grupo gañador da II Liga de convivencia desfrutou do seu premio a última semana de curso. O alumnado achegouse a X-Jump Avilés para pasar unha mañá chea de xogos en boa compañía.


Parabéns aos gañadores/as!