Os soños na gaiola, de Manuel María, foi a obra protagonista dos traballos realizados polo alumnado de 4º durante esta semana.
Publicado en 1968, Os soños na gaiola está considerado un dos libros máis importantes da literatura infantil galega. A través dos seus poemas, os rapaces e rapazas achegáronse á natureza, á infancia, á liberdade e ao amor pola nosa terra.
Os traballos realizados amosan creatividade, reflexión e moito interese por descubrir a poesía e a cultura galega.
Parabéns polo gran traballo realizado e grazas ao departamento de Lingua Galega por seguir fomentando o amor pola lectura e pola nosa lingua.
