O vindeiro venres 13 de febreiro, a partir das 12:50 h, celebrarase no Ximnasio do IES Marqués de Sargadelos o Concurso de disfraces de Entroido, dirixido a todo o alumnado do centro.
Co gallo desta actividade, preséntase o cartel oficial do concurso, no que se recollen de forma detallada as bases de participación. O alumnado poderá participar de maneira individual/parella ou en grupo, e haberá a posibilidade de realizar unha breve actuación como parte da posta en escea.
Esta actividade enmárcase dentro da programación de actividades extraescolares de Entroido, organizadas polo Centro e o Equipo de Dinamización Lingüística, co obxectivo de fomentar a creatividade, a convivencia e a participación do alumnado na vida do centro.
Invítase a todo o alumnado a partticipar nesta iniciativa lúdica e cultural.
