19/06/25

Excursión a MAHI e Aquarium FInisterrae

O pasado 18 de Xuño, o alumnado de 3º, 4º da ESO e 1º de Bacharelato do IES Marqués de Sargadelos, participou na última saída escolar deste curso. A xornada combinou historia, ciencia e diversión.

Pola mañá visitamos o Museo do Automóbil de Arteixo, onde puidemos ver coches clásicos de distintas épocas e coñecer a súa evolución ao longo do tempo. Pola tarde desprazámonos ao Aquarium da Coruña, onde observamos distintas especies mariñas e desfrutamos especialmente coa alimentación das focas, un dos momentos máis divertidos do día.

Foi unha boa forma de pechar as excursións deste curso: aprendendo, rindo e compartindo tempo fóra das aulas cos compañeiros.